NATIONAL News — Nailista sa ‘record low’ nga 46 percent ro numero it mga Filipino nga naghambae nga masadya sanda sa andang love life.
Raya ro resulta it survey it Social Weather Station nga ginpaguwa ko Martes, Pebrero 11, kun sa siin ro presenteng numero hay manaba it 12 points halin sa 58 percent ko Disyembre 2023.
Ro ulihing pinakamanabang porsyento it masadya sa love life hay may 20 anyos eon ro nagtaliwan sa 46 percent, ukon ko 2004.
Kapjn sa 36 percent it mga Filipino man ro nagapati nga may ikasadya pa ro andang relasyon, samtang 18 percent ro naghambae nga owa sanda it lovelife.
Ro non-commissioned SWS survey hay ginpatigayon pinaagi sa face-to-face interviews it 2,160 adults edad nga may 18 pataas.
May national sampling error margin raya nga ±2 percent.
