Ginakalipay gid ni Bombo International Correspondent Ramil Isogon it United Kingdom nga masaksihan it personal ro pagkorona kay King Charles III kahapon nga adlaw it Sabado sa Westminter Abbey sa United Kingdom.
Suno kana nga ro makasaysayan nga koronasyon hay gintambongan it world leaders ag linibo nga mga tawo ro nagtipon-tipon sa guwa it Westminster Abbey.
Nasayuran nga raya ro kauna-unahan nga koronasyon matapos ro 70-anyos.
Ginapahayag nga matapos ro daywang oras nga seremonya, si King Charles kaibahan ro anang asawa nga si Queen Camilla nga ginkoronahan man bilang Queen consort hay deritso nga bumalik sa Buckingham Palace sakay sa Gold state coach nga umpisa pa ko 1831 hay ginagamit eon it royal family.
Antes kara, nagpatigayon man it appearance sa palace balcony ro daywa kaibahan ro mga miyembro it royal family
Kasunod it koronasyon ni King Charles hay ro ginaeauman man nga pag-angkon it mga pagbag-o sa Britanya.
Sa pihak nga parte, nagapabilin man nga maintok ro tyansa nga maging republic country ro United Kingdom apisar nga may bag-ong hari.
Kaeabanan sa mga tawo sa nasambit nga nasyon hay nagapabutyag nga ipabilin ro British monarchy
