Naalarma eon ro Department of Health (DOH) sa medyu pag angkon it epidemya it obesity sa nasyon.
Nagakabaeaka si DOH OIC Maria Rosario Vergeire bangud nga posible raya nga magtuga it pagtaas it mga kaso it non-communicable diseases.
Base sa survey, sambilog sa kada 10 nga ungang Pinoy ukon katumbas it 14% hay overweight.
Samtang, kapin sa 13% ukon sambilog sa kada 10 nga Pinoy adolescents hay obese eon.
Makarondaya man ro nakita sa mga magueang ukon adult.
Base sa survey, 3 sa kada 10 nga lactating mothers ag 4 sa kada 10 nga iba pang adults hay overweight.
Suno kay Vergeire, ro pagkaon it bukon it masustansyang pagkaon ag kawad-an it regular nga mga pisikal nga aktibidad hay nagapangunang rason it pag-grabe it problema sa obesity sa nasyon.
Suno sa World Health Organization, ro non-communicable diseases hay 70% nga rason it kamatayon sa Pilipinas.
Nasayuran nga may 511,748 nga Pinoy ko 2019 ro namatay bangud sa non-communicable diseases.
