Kalibo Aklan —Nagabueuligan ro mga pinoy sa ibang nasyon sa tunga it paeag it coronavirus disease (COVID- 19) pandemic.
Suno kay Bombo International Correspondent Zhalimar Talaoc Ascano, tubong Brgy. Tagas sa banwa it Tangalan ag presenyeng naga-istar sa Darwin Australia nga ro mga Filipino nga bukon it holder it permanent resident visa ukon citizen visa nga apektado it lockdown hay ginabuligan it ibang grupo it mga Pinoy .
Ginabuligan nanda ro mga nagakalisod nga kababayan nga owa it pangbayad it renta sa apartment ag iba pang kinahangeanon kapareho it pagkaon .
Raya hay bangud nga bukon sanda it suportado it programa it gobyerno it Australia .
Gindugang pa kara nga pila pa sa mga apektado makaron sa nasambit nga nasyon hay ro mga exchange students nga naduea-an it sideline nga ginapasugtan nga magtrabaho it 20 hours a week.
Naga-aeamutan sigon ro mga Pilipino agud nga mabuligan ro mga kababayan nga nagakinahangean.
