KALIBO, Aklan—Ginabantayan eon makaron it mga Pinoy sa Japan ro sambuwa sa tunga nanday Nonito “The Filipino Flash” Donaire ag Japanese superstar Inoya Inoue.
Suno kay Bombo International Correspondent Ryan Tordecillas it Japan, excited eon sanda sa magiging rematch it daywang boksingero.
Suportado sigon it mga raya si Donaire sa pihak it anang edad hay ginaeauman nga masarangan gihapon kara nga makipagsabayan sa mas bata nga si Inoue.
Kon madumduman, ko 2009 hay ginkilaeang Fight of the Year ro dramatic ag eksplosibong bakbakan it daywa kon siin napyerde si Donaire.
Matapos ro official weigh-in kahapon insigidang gindeklara ni Nonito nga maayos ro anang pamatyagan ag bantayan ro exciting fight.
Si Inoue hay uwa pa it pyerde ag ro bansag man kana hay “Monster.”
Matawag man nga brilliant fighter ro Japanese ag malisod raya nga patamaan ag mayad sa mga kumbinasyon ag pagbuhi it magkasunod nga tueop sa eawas ag ueo it kontra.
