Mga Pinoy sa Russia, ginapahauman eon ro worst-case-scenario sa pihak it tensyon sa tunga it Russia ag Ukraine

KALIBO, Aklan—Haum eon ro mga Pilipino sa Russia sa posibleng worst-case-scenario sa pihak it kinagamo sa tunga it Russia ag Ukraine.

Apisar nga indi pa mabatyagan ro giyera sa Moscow, hugut nga seguridad gihapon ro ginapatuman sa nasyon.

Sa makaron, pilang eskwelahan eon ro ginpasarado bangud sa bomb threat matapos nga pilang Ukrainian National ro nadakpan sa planong pagpang-bomba.

Apang, sa pihak it natabo, padayun ro pakikipag-angot it Philippine Embassy sa mga Pinoy sa Russia ag nag-apela it pangamuyo para mapundo eon ro gulo.