-- ADVERTISEMENT --
KALIBO, Aklan–Eubos nga kahadlok ro nabatyagan it mga Pinoy nga presenteng nagatrabaho sa Taiwan matapos ro pag-uyog it 6.9 magnitude nga linog kahapon.
Suno kay Bombo International Correspondent Nanzelle Morales Mondia, tumandok it banwang Balete apang presenteng nagatrabaho sa Taiwan nga batyag nana ro masyadong mabaskog nga pag-uyog it eugta bangud sa pang limang panaegan imaw it edipisyo kat makaangkon it linog.
Ro pag-uyog hay nagresulta sa pagkaputoe it sangka tulay, pagkarumpag it pilang edipisyo ag pagka-akdisente it sangka tren.
Insigida man suno kana nga nag-anunsyo ro gobyerno nga maging alerto ro mga pumueoyo sa posibleng pagtuhaw it mga aftershocks.
Nagapasaeamat man si Mondia nga euwas sanda nga nakaguwa sa andang dormitoryo.
-- ADVERTISEMENT --
