KALIBO, Aklan—Naputos eon it grabeng kahadlok ro mga Pinoy sa Taiwan matapos nga aktwal nanda nga naeksperyensiyahan ro tuman kabaskog nga linog partikular sa Hualian City sa nasambit nga nasyon.
Suno kay Bombo International Correspondent Lexelyn Mendoza Pedro, overseas Filipino worker sa Hsinchu Taiwan nga paguwa eon sanda it building sa gina-obrahan nga electronic company halin sa andang night shift duty kat tumama ro magnitude 7.5 nga linog, bandang alas-8:00 it agahon it Miyerkules, Abril 3, oras sa taiwan.
Gin describe nana kon ano kabaskog ro linog nga kun sa siin samtang gina-interview it Bombo Radyo hay mabatian pa ro pag-uga it eugta bangud sa mga aftershocks.
Sa sueod suno kana it an-um nga dag-on nga pagtrabaho nana sa Taiwan, raya ro unang kahigayunan nga nakaeksperyensiya imaw it mabaskog nga linog maskin nga haeos kada buean raya nga nababatyagan ukon normal eon sa nasambit nga nasyon ro mga pag-uyog.
Nagpaeanago eon lang sigon sanda sa idaeum it lamesa ag nagpangamuyo bangud sa pagduyan it building.
Ginsaysay pa nana nga nakapanaog eamang sanda it building kat magpundo eon ro pag-uyog nga nagbuhay it haeos daywang minuto.
Kaabuan sigon sa anang mga kakilaea ag katrabahong Pinoy hay eowas ag una sa mayad nga kahimtangan .
