NATIONAL News — Nagtaas ro poverty incidence sa Pilipinas sa 18.1 porsiyento ko 2021 nga katumbas it 19.99 milyong pigado nga Pilipino, base sa report it Philippine Statistics Authority (PSA).
Sa report ko 2021 Full Year Official Poverty Statistics of the Philippines, ginpahayag it national statistician nga si Dennis Mapa nga ro poverty incidence sa populasyon ko 2021 hay nagtaas sa 18.1 percent kumpara sa 16.7 percent nga nailista ko 2018.
Gindugang pa ni Mapa nga ro 18.1 porsyentong poverty incidence ko 2021 hay katumbas it 19.99 milyong pigado nga Pilipino, mas mataas kaysa sa 17.67 nga pigadong Pilipino ko 2018.
Ro poverty incidence sa populasyon hay gintumod bilang ro proporsyon it mga Pilipino nga ro per capita income hay indi indi makasarang nga makasabat sa andang mga indibidwal nga nagapangunang kinahangeanon sa pagkaon ag iba pang bukon it pagkaon.
Ginpahayag pa ni Mapa nga ro National Capital Region ro nailistang may pinakamanabang poverty incidence sa populasyon sa 3.5 percent, samtang ro Bangsamoro Autonomous Region in Muslim Mindanao hay naglista it pinakamataas nga 37.2 percent.
Sa pangkabilugan, napueo nga rehiyon ro naglista it mas mataas nga poverty incidence sa populasyon ko 2021 kun igakumpara sa datos nga nailista ko 2018.
