-- ADVERTISEMENT --
KALIBO, Aklan—Ginplastar eon it Commission on Elections (COMELEC) ro mga polisiya sa unang presidential debates nga gintaeana sa Marso 19.
Suno kay COMELEC Spokesman, Director James Jimenez, makaangkon it single-moderator format ro tatlong oras nga debate nga owa it live audience.
May una man sigon nga draw kung kanyo maadto ro unang pangutana samtang alphabetical order ro pagsabat it mga kandidato sa mga masunod nga pangutana angot sa mga topiko nga may kaangtanans sa nasyon kapareho it pandemya ag ekonomiya.
Gintaeana man it poll body ro ikaywang debate sa Abril 3 samtang sa Marso 20 ro vice-presidential debate.
Sa makaron, owa pa it venue kung siin pagahiwaton ro nasambit nga aktibidad.
-- ADVERTISEMENT --
