Kalibo Aklan ——–Dismayado ro mga pomueuyo sa Amerika sa sunud-sunod nga gun violence sa nasambit nga nasyon .
Suno kay Bombo International Correspondent Greg Aguilar it California nga raya hay kasunod it panibag-o eon man nga insidente it pagpamaril sa billiards banquet hall sa Miami Gardens sa Florida nga ginkamatay it daywang katawo ag ginkanina it masobra sa 20 nga iba pa.
Ginasugid nga ro mga gun men nga padayun nga ginatugis it mga otoridad hay gulpi eamang nga nagguwa sa sangka puti nga SUV ag sigidas nga ginpangbaril ro mga tawo sa guwa it establisimento samtang nagapatigayon it concert.
Pilang mga negosyante ag opisyal ro nagtanyag eon it padya sa sin-o man nga makatau it importanteng impormasyon para sa ika-aresto it mga suspek ag ikasolbar it kaso.
Ginpahayag ni Aguilar nga maabu ro nagapanawagan makaron it mas hugut nga gun law .
Makabig suno kana nga matsa sakit eon sa US ro mass shooting ukon gun violence .
Samtang, gindugang pa kara nga indi haeos maresolba ro debate sa gun control bangud sa isyu it puliitika kun sa siin ro mga democrats hay pabor sa gun control samtang ro republican hay bukon.
