Mga posibleng tikang agud nga malikawan ro pagbaha kada tyempo it tag-uean, gintalakay sa session it Sangguniang Bayan it Kalibo

KALIBO, Aklan–Gintalakay it mga miyembro it Sangguniang Bayan it Kalibo ro mga posibleng tikang agud nga malikawan ro pagbaha sa pilang ka mga barangay kada naga-uean.

Sambilog sa andang nakikitang solusyon hay ro pagpatigayun it dredging sa Aklan river.

Ginsuhestiyon man it iba nga makaangkon it Provincial meeting agud nga matalakay ro problema kaibahan ro iba pang lokal nga gobyerno nga apektado it mga pagbaha.

Kamana man nga ginakinahang-ean ro paggiya halin sa mga eksperto agud nga makabaeay it nagakaigo nga plano.

Tyempo eon sigon agud nga mataw-an it kongkretong solusyon ro mabuhay eon nga problema.

Nasayuran nga ro nagapangunang apektado kun may pagbaha hay ro agricultural sector.