Mag-eowas sa balot, pwede eon nga makasueod sa probinsya it Aklan ro mga poultry products ag livestock kasunod it ginpaguwa nga Executive Order No. 2 ni Aklan governor Jose Miguel “Joen” Miraflores ko Hulyo 1 it presenteng dag-on.
Ginpaathag ni Dr. Joseph Lachica, Veterinarian II it Office of the Provincial Veterinarian ukon OPVET nga tuyo sa pag-lift it ban nga mataw-an it ligwa ro mga negosyante ag masolusyunan ro kakueangan sa supply it manok ag itlog.
Umpisa suno kana nga nagnaba ro kaso it bird flu sa ibang lugar hay nagdesisyon eon man ro gobyerno probinsyal nga pasugtan eon ro pagsueod it nasambit nga mga produkto sa Aklan mag-eowas eon lang sa balot bangud nga maabo gihapon ro porsyento it mga bebe nga tinamaan it virus.
Ginpahayag dugang ni Lachica nga sa makaron hay sigidas eon ro pagsueod it poultry products maghalin sa ibang lugar apang maid-id gihapon raya nga ginainspection agud nga inde masudlan it virus ro probinsya bangud nga halin kat nagtuhaw ro bird flu sa ibang rehiyon hay uwa it nailistang kaso ro Aklan.
