Nagpanawagan ro manabang kapueongan it kongreso kay Pangueong Ferdinand Bongbong Marcos Jr., nga sertipikahang “urgent” ro mga proposed bill nga nagaduso it pagpataas sa sweldo it mga trabahador sa bilog nga nasyon.
Suno kay Assistant Minority Leader ag Gabriela Party-list Representative Arlene Brosas nga dapat nga mapatuman eagi ro across the board wage increase sa atubang it padayun nga pagtaas sa presyo it mga baeak-eon ag naga-grabeng krisis sa ekonomiya.
Hinyu pa ni Brosas sa gobyerno, mag obra it kongkretong tikang agud nga masabat ro hirit nga umento sa sweldo it mga trabahador sa nasyon.
Nag apela pa si Brosas sa Kongreso nga iprayoridad ro mga proposisyon nga nagasueong it wage increase kun sa siin ro pinaka-ulihing ginpasaka hay ro 150 pesos across the board wage increase para sa mga empleyado sa pribadong sektor.
Si Brosas man hay may gindihon nga House Bill 7568 para sa ₱750 pesos across-the-board and nationwide wage increase sa mga trabahador man sa pribadong sektor.
