NEWS Analysis–Maabu eon ro naadik sa social media.
Matuod man nga nakakalibang raya ag puwede pang paeangitan-an.
Ro problema, may mga nakakalipat sa andang mga oeobrahon ukon trabaho.
Kapareho it napabalita nga pilang kapulisan sa Western Visayas nga nawili sa TikTok ag vlog maskin sa oras sigon it duty.
Rason nga hugut nga ginmandu sa mga pulis nga bawae eon ro pagbabad sa social media samtang sa trabaho.
Dapat eang nga bawaean ro mga pulis sa paggamit sa social media samtang sanda hay naka-duty bangud nga indi sanda makapagpokus.
Sa tiempo makaron nga eapnaag ro krimen ag nagapangibabaw eon man ro mga manugloko, kinahangean nga bantay-sarado ag indi magkatueog sa pansitan ag mas nga indi magbabad sa cellphone ro mga katapo it kapulisan.
Maskin nga ginklaru nga pwede gihapon nga maggamit it social media kun may kaangtanan raya sa andang assignment eabi eon ro mga una sa police community relations.
Kabay nga indi eamang sa Western Visayas obrahon ro makarondaya nga mandu bangud nga eapnaag ag nagkalhit man ro mga pasaway nga pulis sa nagkaeain-eain nga parte it nasyon.
