KALIBO, Aklan—Mas pang ginapaboran makaron it mga pumueoyo sa America si Republican President Donald Trump nga imaw sa gihapon ro magadumaea sa United States of America sa nagahilapit nga eleksyon sa Nobyembre 3, 2020.
Raya ro panan-awan ni Bombo International Correspondent Mr. Dennis Remetio sa Bay area, California nga matapos nga maabong democrats ro nagsaylo sa kampo ni Trump bangud nga uwa man ro mga raya naila sa pagdumaeahan ni Democrat running candidate Joe Biden.
Suno kana, maayos ro mga programa nga ginapatuman ni Trump bangud nga “America first” ro anang prayoridad.
Ro nagasangag eamang sigon makaron hay ro may personal nga dumot ag kaakig sa presenteng presidente it nasyon.
Ginpaathag dugang ni Remetio nga nakasandig sa laye ro anang mga programa ag tuyo kara nga mas pang paumwaron ro locally made ukon ro ginatawag nga US made bangud sa mga nakataliwan nga dinag-on hay China made ro nagapangibabaw sa nasyon partikular sa mga construction materials.
Gina-insister pa sigon it presidente nga kinahang-ean nga respetuhon ro rules of engagement sa sea ag land kon sa siin uwa raya it kinaeain kay President Rodrigo Duterte ag kay Manila Mayor Isko Moreno Domagoso.
