Mga pumueoyo it Espanya, naga-apela  sa Spanish government nga mapaeawig pa ro pagtao it 50 porsyento nga discount sa pamasahe sa mga tren

Naga-apela makaron ro mga pumueoyo sa Spanish government nga mapaeawig pa ro pagtao it 50 porsyento nga discount sa pamasahe sa mga tren.

Nakataeana nga magtapos ro pagtao it diskwento it gobyerno sa Disyembre 31.

Suno kay Bombo International Correspondent Maria Edzel Lamparero Lopez it Madrid, Spain nga maabu nga mga pumueoyo ro nagapanawagan nga ma-extend ro fair discount it hasta an-om nga buean.

Nag-umpisa ro pagtao it diskwento matapos nga magtaas ro presyo it petrolyo.

Tuyo it gobyerno nga mapanaba ro numero it nagagamit it pribadong behikulo ag ma-engganyo ro mga pumueoyo nga mag-commute agud nga makatipid sa pagkonsumo it petrolyo.

Nagaeaum sigon sanda nga mapasugtan ro andang hinyu.