KALIBO, Aklan—Maabo eun ro nakabatyag it stress bangud sa owa it katapusan nga pakikipagsukoe sa COVID-19 pandemic.
Suno kay Dr. Jeanett Ortega, sangka Mental Health Advocate nga sa makarun hay owa eun it ginapili nga tawo ro depression.
Maskin ro mga professional ukon ordinaryo eamang nga tawo hay nakakabatyag it stress nga kung indi makontrol hay puweding magresulta sa anxiety ag depression.
Bangud kara hay anang ginsuhestiyon sa publiko nga dapat hay makaangkon it tama nga komunikasyon sa sueod it panimaeay agud nga maintindihan ro gina-agihan it kada miyembro it pamilya.
Makipag-istorya ag indi pagpabay-an ro sin-o man nga kakilaea ukon paryente nga nakikitaan it pagbag-o sa anang ugali ukon mga nakaangdan nga hilimuon.
Samtang kung medyo madaeum eun gid ro ginabatyag nga problema hay mas mayad sigon nga magpatan-aw eun sa doktor ukon mga eksperto.
