KALIBO, Aklan—Tunga ro desisyon it mga pumueoyo sa Dallas, Texas kon sin-o ro andang pagapaboran sa daywang kandidato nga nagapadaeagan para sa pagka-presidente it United States of America (USA).
Suno kay Bombo International Correspondent Erna Tabay-Gallagher, tubong Brgy. Sta Cruz Biga-a, Lezo apang presenteng naga-istar sa nasambit nga estado nga haeos kaeabanan hay nagapabor kay incumbent US president Donald Trump apang may una man sigon nga nagasinggitan sa pangaean it Democrat presidential nominee Joe Biden.
Kon pagabasehan sigon ro andang mga plataporma, uwa it maipintas sa daywang ka presidential candidate bangud nga para raya sa mga pumueoyo it nasyon apang sa bahin ni Trump bilang negosyante hay may punto nga uwa imaw naila.
Raya hay bangud sa pagiging bugaeon it presenteng presidente maskin nga ginaamat-amat eon kara nga i-pull out ro mga produkto nga bukon it human sa andang nasyon.
Partikular nga gintumod kara ro mga produkto maghalin sa China nga maabong US residents nga nagatangkilik sa mga produktong China made.
