KALIBO, Aklan—Wait and see ro mga pumueuyu sa Estados Unidos sa kon ano ro magiging kapalaran ni outgoing US president Donald Trump.
Raya hay kasunod it natabu nga pagbueutohan it US House of Representatives agud nga i-impeach si Trump sa boto nga 232-197.
Suno kay Bombo International Correspondent Mr. Nap Cumareng sa Washington D.C, uwa it maka-predict kon anu ro posibleng matabo ag magiging sitwasyon sa mismong adlaw it pagpanaog sa pwesto ni Trump ag mismong ro adlaw man it pagpungkon ni US president elect Joe Biden.
Apang, sa pihak kara hay una gihapon ro andang pag-eaum nga magiging matawhay ro tanan bisan nga may tensyon sa magtimbang nga kampo kasunod it daywang beses nga pagka-impeach kay Trump.
Sa makaron suno kana hay may pwersa it mga kapulisan nga striktong nagabantay sa lugar ag haom nga magresponde sa anumang kinagamo nga posibleng matabo.
Mag-eowas kara, todo monitor man sanda sa sitwasyon angot gihapon sa maeapnagong epekto it pandemya daea it coronavirus disease ukon Covid-19.
