KALIBO, Aklan—Ginkalipay it mga pumueoyo sa Japan ro paglihis it bagyo nga ginaeauman nga magtama sa Tokyo makaron nga dominggo.
Suno kay Bombo International Correspondent Johnny Sato Gallos makabig nga exciting ag challenging ro nagapadayun nga 2020 Tokyo Olympics bangud sa pilang ka mga owa gina-eauman nga butang kapareho it posibilidad nga pagtama it bagyo.
Ginpabugae man kara nga advance ag dynamic ro sistema it Japan pag-abot sa pagiging haum kasunod it pagtama it mga bagyo sa nasyon.
Mag-eowas kara, nagapabilin man sigon ro paeag it COVID-19 kun siin padayun ro pagtinaas it mga nailistang kaso sa Tokyo ag nauna eon rayang ginpaidaeom sa state of emergency.
Ginpasiguro man ni Gallos nga manami ro ginapatpat nga safety precautionary measures it gobyerno it Japan kapareho it aktibong mga medical frontliner ag maabo nga pasilidad sa pagsabat sa pandemya.
Dugang pa kara nga nagapabilin pa nga kontrolado ro sitwasyon sa nasambit nga nasyon.
Nagaeum sigon sanda nga magpadayun ro maaliwalas nga panyempo agud nga maging maayos ag indi makaangkon it aberya ro mga hampang sa olimpyada.
