KALIBO, Aklan—Bukas eun ro tanan nga mga nagapangunang daeanon sa nasyon it Sudan.
Raya hay matapos nga ipasarado it mga militar ag ginbutangan it barikada hasta ko Lunes nga adlaw.
Apang gin-eaygayan sa gihapon ro mga pomoeuyo nga magpabiln sa andang mga panimaeay agud nga indi madaeahig sa nagakatabong hub-eag protesta.
Samtang ginpasugtan eun nga makauli sa andang baeay si Sudan Prime Minister Abdalla Hamdok, sang adlaw matapos rayang ginkulong n it militar ag gin-agawan it gahom pamaagi sa sangka kudeta.
Suno kay Bombo International Correspondent Atty. Christina Balog-Ang ag presenteng nagatrabaho makarun sa Khartoum, Sudan nga ginpahilway eun si Hamdok ag anang asawa kasunod it maeawigang pagkondena sa pagkamkam it gahom ni General Abdel Fattah al-Burhan.
Sa pihak kara, ginapalibutan man sigon it guwardiya ro panimaeay it Prime Minister.
Samtang nagpamaeag eun man ro Estados Unidos nga andang pagasuspendihon ro andang bulig kamana man ro European Union nga nagpahayag man it kapareho nga desisyon.
Ginmanduan man ni UN Secretary-general Antonio Guterres si Al-Burhan nga pahilwayon si Hamdok ag gin-engganyo pa ro mga world leaders nga magkooperar agud nga atubadngon ro ginatawag nga “epidemya ng mga kudeta.”
Madumduman nga nag-eksplekar si Sudan’s coup leader Al-Burhan nga ro rason it andang pag-agaw sa gobyerno hay agud nga malikawan ro “civil war.”
