-- ADVERTISEMENT --
KALIBO, Aklan–Ginaeauman nga mabaton eon it mga Person with Disability (PWD) ro andang educational assistance para magamit nanda sa andang pagtuon makaron nga dag-on.
Suno kay Person with Disability Affairs Office (PDAO)-Aklan Head Randy Rebaldo nga ginapasapinal eon nanda ro petsa it pagpanupod it nasambit nga ayuda.
Ginabuebanta nga naga-abot eon lang sa 80 ka mga benepisyaryo ro owa pa nakabaton.
Pagatinguhaan sigon nanda nga maitao ro ayuda sa mas mas madali nga panyempo bangud raya hay sangka prebilihiyo nga ginatao it gobyerno.
