KALIBO, Aklan–Dismayado ro mga Republicans matapos ro pagsalakay it FBI agents sa baeay ni former US president Donald Trump sa Mar-A-Lago sa Palm Beach, Florida.
Suno kay Bombo International Correspondent Greg Aguilar nga raya ro unang kahigayunan sa kasaysayan it Amerika nga gin-raid it FBI ro baeay it sangka pangueo.
Presenteng idtu sa estado it New York si Trump kat matabo ro pagsalakay kung siin ro anang unga eamang ro naga-isaeahon sa andang baeay.
Gintawag man it dating pangueo ro naging tikang it FBI bilang act of “prosecutorial misconduct.”
Ginpahayag pa kara nga raya ro mga madueom nga tyempo para sa andang nasyon bangud ro anang panimaeay hay presenteng una sa idaeom it pagsalakay ag gina-ukopahan it mabahoe nga grupo it mga FBI agents.
Sa makaron, owa pa nakumpirma it FBI ro ginhimo nga search operation kung siin si Trump hay una sa tunga it maabo nga imbestigasyon.
