Mga rescuers nagaeaum nga mas maabu pa ro survivors sa mga landslides sa Leyte

Nagaeaum pa gihapon ro mga awtoridad nga padayun sanda nga makakita it mga survivors sa landslides nga tumama sa mga komunidad sa probinsya it Leyte tuga it mabaskog nga pag-uean kasunod it pagpanaeasa it tropical storm Agaton.

Ginpahayag ni NDRRMC spokesperson Mark Timbal nga owa pa ginapundo it pilang rescuers ro andang retrieval operations bangud nakakabati pa sanda it mga boses halin sa mga tawo nga natabunan it nahugos nga eugta.

Suno kay Timbal, ro death toll sa natabo nga landslides ag pagbaha tuga it pagpanaeasa it Bagyong Agaton hay bumunae eon sa 172.

Mag-euwas kara, may una pang 110 katao nga nagapabilin nga missing kung siin 104 ro halin sa Abuyog ag Baybay City sa Leyte.