KALIBO, Aklan — Nag-apela ro mga residente ag business operators sa isla it Boracay nga punduhon eon ro pagbaton it mga cruise ships, masobra sang buean matapos buksan sa publiko ko Oktubre 26, 2018.
Nagapagutok eamang sigon sa isla ro mga nagapanaog nga turista ag uwa man it ginataong pangabuhian sa mga residente.
Nasayuran nga kapin sa 2,000 hasta 4,000 mga turista ro sakay it mga cruise ships nga nagadungka sa Boracay.
Sa pihak nga parte, agud ma-monitor gihapon ro carrying capacity sa isla nga 6,405 kada adlaw, kinahang-ean nga magpa-book anay ro mga turistang sakay it cruise ship sa mga accredited hotels and resorts para sa nagkaeain-eain nga water sports activity.
Ro booking confirmation hay dapat sa Caticlan Jetty Port pa eamang agud makasueod sa isla.
