KALIBO, Aklan—Patas makaron ro hinampang sa tunga nanday US president Donald Trump ag presidential nominee Joe Biden sa Harker Heights, Texas sa nagapadayon nga early voting nga nag-umpisa ko nagtaliwan nga dominggo.
Raya hay suno kay Bombo International Correspondent Salve Reportoso-Perez, tubong Brgy. Agbanawan, Banga apang presenteng naga-istar sa nasambit nga estado sa United States of America (USA) sa interview it Bombo Radyo Kalibo.
Ginpaathag ni Perez nga maskin balwarte it Democratic party partikular ni Joe Biden ro nasambit nga estado hay nagapabilin gihapon nga neutral ro mga pumueoyo bangud nga ginatimbang man it mga raya ro mga ginpresentar nga plataporma it daywang kandidato.
Suno pa kay Perez sa anang pagtan-aw hay 50/50 ro resulta it pagbotohan sa nanday Trump ag Biden sa andang estado.
