Kalibo, Aklan–Bawae anay nga mag-excursion ro mga residente sa banwa it Kalibo sa maabot nga Hunyo 24 sa kapistahan ni San Juan de Bautista.
Suno kay Kalibo Mayor Emerson Lachica nga bawae anay nga magpaligos sa baybayon, kasubaan ag swimming pools it mga hotels ag resorts.
Nasayuran nga naging tradisyon eon it mga residente it Kalibo ro pagpaligos sa mga dagat ag iba pang paealigsan kada selebrasyon it San Juan nga imaw ro patron saint it Kalibo.
Sa ginpaguwa nga advisory it alkalde nga may petsang Hunyo 14, ginpadumdum kara nga ro Aklan hay sa idaeum gihapon it “Modified General Community Quarantine” ag kaibahan kara ro pagbawae sa pagpatigayon it “mass gatherings.”
Hugut man nga ginabawae suno kana ro pag-inom it aeak sa mga pampublikong lugar.
Tuyo kara nga mabaeabagan ro pagkalhit it COVID-19.Ro sin-o man nga maga-eabag hay may nagakaigo nga penalidad.
