KALIBO, Aklan — Nagakabaeaka ro mga residente sa isla it Boracay sa naging anunsyo ni Environment Secretary Roy Cimatu nga soft opening pa eamang ro matabo sa Oktubre 26.
Suno sa grupong We Are Boracay, grupo it mga vendors, tour guides, masahista, tricycle drivers ag mga empleyado sa mainland Malay nga eubusang nabudlayan sa Boracay closure.
Bangud sa manabang numero it compliant establishment, raya sigon hay nagakahueogang maabo gihapon ro magapabiling uwa it pangabuhian.
Bukon sigon it bastante ro ginta-o nga cash for work, livelihood assistance ag iba pang bulig it Department of Social Welfare and Development (DSWD) sa mga nawad-an it trabaho.
Nauna eon kara nga ginhambae ni Secretary Cimatu sa anang pagbisita sa Boracay ko nagtaliwan nga dominggo nga first phase pa eamang it rehabilitasyon ro matapos sa Oktubre 26 samtang ro second phase hay sa Abril 26, 2019 ag ro ulihing phase hay hasta sa katapusan it 2019.
