KALIBO, Aklan—Mas ginapaboran makarun it mga residente sa Maryland, U.S.A si Democratic Nominee Joe Biden kumpara kay US President Donald Trump para sa nagahieapit nga Presidential Election.
Suno kay Andro Villegas, sangka Aklanon ag presenteng naga-istar makarun sa Maryland U.S.A nga 61 percent it mga botante hay pabor kay Biden samtang 30 percent eamang ro may gustong magboto kay Trump.
Ginapahayag dugang nga ro Maryland state hay sangka blue state kung sa siin ginadumaeahan it democrats.
Sa pihak kara, indi dapat sigon magpakampante ro kampo ni Biden bangud kapareho ko nagtaliwan nga eleksyon, unang ginpaboran ro anang kontra apang pagguwa it resulta hay naging madinaeag-on gihapon ro kampo ni Trump.
Samtang, ginpahayag man ni Villegas nga kaabuan sa Filipino community hay nagapabor kay US President Trump.
Sa makarun hay pwede eun nga magboto ro mga bontanteng gustong magpili it andang napusuan nga magdumaea sa Estados Unidos.
