KALIBO, Aklan—Umpisa sa Hunyo 15, hilway eon nga maka-operate nga owa it anuman nga restrictions ro mga restaurants sa California.
Suno kay Bombo International Correspondent Gabriel Pedregoza it California nga raya hay matapos nga haeos katunga eon it residente ro fully vaccinated eon ag eubusan eon nga nagnaba ro COVID-19 infection kamana man ro numero it mga namatay.
Buot hambaeon suno kana nga magiging business as usual eon ro operasyon it mga restaurants ag bars ag iba pang establisimento kun sa siin owa eon it igataeana nga mga limitasyon sa andang indoor ag outdoor capacity ag indi eon iga-require ro physical distancing sa mga pampubliko ag pribadong events.
Ginpahayag pa ni Pegregoza nga ro California ro kauna-unahan nga estado nga magapatigayon kara.
Ginapasugtan man suno kana ro mga pumueuyu nga indi eon magsuksok it face mask ag maskin indi eon mag obserba it social distancing kon nakakompleto eon it bakuna.
Sa pihak nga parte, bukas eon man ro US sa mga turista , apang kinahangean nga makapresentar it vaccine card.
Ro problema eamang suno kay pedregoza nga kon ro bakuna nga gingamit hay sinovac, bawae gihapon nga makasueod sa amerika kapareho it ginapatuman nga patakaran sa Europa.
