KALIBO, Aklan—Aminado ro pilang mga rice retailers sa Kalibo public market nga indi nanda masarangan nga sundon ro price ceiling sa bugas nga pormal nga ginpatuman makaron nga adlaw it Martes.
Sa price monitoring it Bombo Radyo Kalibo, nataeupangdan nga owa it anuman nga pagbag-o sa presyo it mga ginabaligya nga bugas.
Suno kay certain Michael, sangka retailer it bugas sa nasambit nga tindahan nga indi nanda masarangan nga sundon ro nasambit nga mandu bangud sa posibilidad it pagkalugi.
Nakadepende sigon ro andang presyuhan sa andang supplier.
Engkaso suno kana nga mag abot ro bag-ong supply nga barato ro presyo hay igabaligya nanda raya sandig sa price cap it gobyerno.
Madumduman nga gin aprubahan ni Pangueong Ferdinand Marcos Jr., ro rekomendasyon it Department of Agriculture ag Department of Trade and Industry ukon DTI nga magtaeana it price cap agud nga mapundo ro sigidas nga pagtinaas it nasambit nga produkto.
Base sa Executive Order No. 39 nga gin-aprubahan ni Pangueong Marcos, kapin sa P41 eamang kada kilo ro presyo it regular milled rice samtang ro mandated price cap para sa well-milled rice hay una sa P45 kada kilo.
Samtang, bukas man sanda sa bulig pinansiyal nga igatau it gobyerno sa mga maapektuhan it price ceiling.