KALIBO, Aklan–Temporaryo nga ginsaylo sa front beach ro tanan nga operasyon it mga water sports activities sa isla it Boracay bangud sa mabaskog nga hangin ag humbak.
Suno kay CG ENS Eulogio Quinto III, Deputy Station Commander for Admin it CGS-Aklan nga halin sa Bolabog area ukon back beach hay ginsaylo anay sa beach front ro mga sea sports and water sports activities sa isla para sa kaeuwasan it mga turista.
Ro nasambit nga advisory hay magabuhay depende sa magiging masunod nga weather forecast it PAGASA.
Dugang pa ni Eulogio nga may ginpagguwa man sanda nga dugang nga advisory kahapon para sa pagsaylo it operasyon it mga motorbanca halin Tabon Port paadto it Tambisaan Port kung siin ro biyahe hay presenteng ginapatigayun sa Caticlan Port paadto it Cagban Port vice versa.
