KALIBO, Aklan—Nagapabilin nga matawhay ro sitwasyon sa Kalibo Municipal Cemetery makarun nga All Saints Day, Nobyembre 1.
Raya hay kasunod it pagpatuman sa gihapon it temporaryong pagsarado it tanan nga mga pampubliko ag pribadong mga sementeryo sa bilog nga nasyon sa tunga it ginapangatubang nga coronavirus disease ukon covid-19 pandemic.
Raya eun man ro pangaywang dag-on kun sa siin ginpasarado ro mga sementeryo sa mismong adlaw it Pista minatay.
Samtang bantay-sarado man it mga katapo it Kalib PNP, MDDRRMO ag BFP ro nasambitan nga lugar.
May ginbutang man nga barikada ag eubid ag karatola nga “no entry” agud nga indi eun magpamilit pa ro mga pomoeuyo nga makasueod.
Samtang sa pihak nga parte, nasaksikhan man it bombo newsteam nga matawhay ro palibot it Chinese Cemetery.
