Magabotohan ro mga senator-judges engkaso nga ipapundo it Korte Suprema ro impeachment trial ni Vice President Sara Duterte.
Raya hay angot sa petisyong ginpasaka it pilang indibidwal sa Supreme Court nga gusto nga ipapundo ro pagbista kay VP Sara bangud sa pagkwestyon sa validity it eleksyon ni Senator Chiz Escudero bilang presiding officer.
Sa press conference, ginpahayag it tagapaghambae it Senate Impeachment Court nga si Atty. Reginald Tongol, nga kinamatarung it sin-o man nga obrahon ro sa andang panan-awan hay legal remedies ag indi magakomento angot kara ro impeachment court bilang pag-respeto sa subjudice rule.
Ginpahayag ni Tongol nga engkaso nga pumabor ro Korte Suprema sa petisyon ag magpaguwa it temporary restraining order ukon status quo ante order sa impeachment trial, raya hay pagabotohan anay it mga senator judges.
Apang bangud nga owa pa it TRO, magapadayun sigon ro impeachment trial kay VP Sara.
