Posibleng bue-on it Department of Education (DepEd) ro mga kwalipikadong senior citizen para maging boluntaryong manugturo suno sa National Commission of Senior Citizens (NCSC).
Raya ro gintanyag nga solusyon it ahensya sa kakueangan sa mga manugturo ag iba pang tawuhan it eskwelahan.
Suno kay NCSC Chairman Franklin Quijano nga maabu nga numero it mga senior citizen ro bastante nga may kasayuran agud nga buligan ro mga manugturo sa andang hilimuon.
Makabulig man ro mga seniors sa Brigada Eskwela (BE) campaign it DepEd kung siin ro education stakeholders ag volunteers hay nagabueoligan para ipahaum ro mga eskwelahan sa pagbukas it klase.
Ginpahayag ni Quijano nga nagsumite imaw it proposisyon kay Vice President ag DepEd Secretary Sara Duterte, nga nagpromisa nga paga-usisaon ro mga proposisyon para sa posibleng pag-eakip sa mga presenteng programa it DepEd.
Madumduman nga may sangka proposisyong laye nga gindihon ko kan-o eamang sa House of the Representatives nga tuyo nga bue-on ro mandatoryong edad it pagretiro nga 65.
