Nagahina baea ro inyong mga toe-an ukon pirme nga naduduea-an it balanse kada nagatindog halin sa pagbangon ukon pagkapungko , pirmeng gina-trangkaso ag nakakaexperiensiya it hair loss ukon muscle pain?
Kun may sintomas nga kapareho it namitlang, posibleng kueang ro inyong eawas sa vitamin D.
Suno sa pagtuon, ro pag angkon it manabang lebel it Vitamin D sa eawas hay gina angot sa mataas nga peligro it impeksiyon, partikular ro sakit kapareho it Arthritis, Type 1 Diabetes ag paghina it Immune System.
Rason nga agud nga malikawan ro Vitamin D deficiency, hayra ro mga home remedies para kinyo; mag-inom it Vitamin D supplement; magpa-init sa sueod it napueo hasta 30 minutos umpisa alas-7 it agahon hasta alas 9 it agahon.
Magkaon it itlog it sang beses sa sang adlaw ag magkaon it fatty fish kapareho it bang-eus, salmon, tuna ag mackerel.
Suno sa eksperto, ro pagbabad sa idaeum it init it adlaw kada agahon hay ro pinaka epektibong pamaagi agud nga mapabilin nga healthy ro eawas apang nagpaandam ro mga raya nga likawan nga magpa-init it alas 10 it agahon hasta alas 3 it hapon agud nga makalikaw sa skin cancer .
