International———-Ginabana-bana nga masobra 300 eun ro numero it mga sibilyang ginpatay it mga suldado it Russia sa Bucha sa Ukraine.
Sa sangka pahayag hay ginhambae ni Bucha Mayor Anatoly Fedoruk, nga personal nanang nasaksihan ro owa it pagpundo nga pagpatay sa maabong mga sibilyan nga kaibahan sa 320 nga namatay sa andang siyudad.
Gindumdom ni Fedoruk kung paalin brutal nga ginpangbaril it Russian forces ro tatlong civilian cars nga ginatinguhaan nga maieuwas ro andang kaugalingon paadto sa Kyiv.
May una man sigon imaw nga nasaksihang sangka eaeaki nga naga-ampo sa mga tropa it Russia nga indi pagbarilon ro anang nabdos nga asawa, apang ginbaril pa sa gihapon nanda raya.
Mag-euwas kara hay ginpahayag man ni Fedoruk nga gina-hunting it Russian military ro mga local poticians.
