-- ADVERTISEMENT --
Owa ginkalipay it pilang ka mga pumueoyo it Singapore ro pagbaton it andang gobyerno kay resigned Sri Lankan President Gotabaya Rajapaksa nga sa makaron hay presenteng sa andang nasyon.
Apisar nga maabu ro naging owa it paki-alam sa nasambit nga sitwasyon sa Sri Lanka, maabu man sa gihapon ro naging dismayado sa pagpasueod kay Rajapaksa sa andang nasyon samtang ro pumueyo sa Sri Lanka hay nagakabudlay sa ginapangatubang nga kalisod it andang pangabuhi.
Samtang, naga eaum man ro mga Singaporeans nga magapaguwa it pahayag ro Singaporean government may kaangtanan sa andang pagbaton kay Rajapaksa nga unang nag-agto it Maldives matapos takasan ro anang nasyon nga ginsukob eon it mga demonstrador.
