Apektado eon man ro mga supermarket sa padayun nga pagtaas it mga nagapangunang baeak-eon ag cost of operation sa Metro Manila sa pihak it pagbukas it ekonomiya ag pag-abu it foot traffic ukon numero it mga bumaeakae nga nagasueod sa mga baealigyaan sa nasyon.
Suno kay Steven Cua, presidente it Philippine Amalgamated Supermarkets Association , nagtaas man ro cost of power maskin ro kantidad it pasweldo rason nga napiilitan eon lang nga magbawas it mga tawuhan ro pila sa mga supermarket.
Suno kay Cua, sambilog pa sa problema it mga supermarket hay ro suggested retail price nga owa sigon nakakabulig sa andang negosyo.
Ginpahayag ni Cua nga ro supermarkets sa Pilipinas hay sambilog sa mga may smallest margins sa bilog nga kalibutan rason nga nagabawi eon lang sanda sa mga item nga owa sa listahan it Department of Trade and Industry ukon DTI.
Mag-eowas kara, napilitan eon man sanda nga mag-usoy it ibang alternatibong produkto nga mas barato ag masarangan sa boesa it mga bumaeakae .
