KALIBO, Aklan—Ginpasiguro it Aklan Police Provincial Office ukon APPO nga pagatutukan nanda ro serye it mga paeanakawan sa nagkaeain-eain nga banwa sa probinsiya.
Suno kay PSSgt. Jane Vega, tagapaghambae it Aklan PPO nga ginaeauman nanda nga kada nagasueod ro BER months hay nagsaka ro numero it mga panakawan eabi eon sa banwa it Kalibo ag sa ibang parte it probinsiya nga kung siin pati ro simbahan hay owa ginpa-eampas.
Bangud kara, ginpadumdom ni PSSgt. Vega nga kinahangean nga magbuylog ro komunidad bangud nga uwa man raya napabay’an it andang ahensiya.
Suno kana nga nag-paandam si Provincial Director Police Colonel Victorino Romanillos Jr. sa mga nagahangkat sa otoridad kun sa siin may mga ginapanan’aw eon sigon sanda nga mga suspetsado.
Agud nga mabantayan ro mga nagahimo it kapareho nga krimen, nagdeploy eon it mga kapulisan sa nagkaeain-eain nga mga lugar ag establisyimento.
Dugang pa ni PSSgt. Vega nga ginpanan’aw nga ro kalisod sa kabuhi ro sambilog sa rason it krimen pero uwa sigon nanda ginatolerar ro makarundaya nga mga oeubrahon.
Nasayuran nga ro ulihing kaso it panakawan hay ro hatabo sa sangka simbahan iya sa banwa it Kalibo.
