KALIBO, Aklan—Sa pihak it malisod nga pagbiyahe tuga it ginpatuman nga mas hugut nga Modified Enhanced Community Quarantine ukon MECQ sa probinsiya it aklan, nagtinguha sa gihapon ro mga nagdaeaog sa ikaywang domingo nga draw it “Enhanced Swerte sa Palengke 2021 promo balde-baldeng pa-premyo na, may cash pa” nga ma-claim ro andang natungdan nga mga premyo nga ginaeakipan it cash prize ag gift pack.
Sa send-in entries, nabaton eon it 67 anyos nga si Teofila Malbas it Brgy. Mabilo, Kalibo ro anang nadag-an nga 5,000 pesos nga cash nga imaw mismo ro naghuyap ag gift pack nga nagabalor it 500 pesos nga nakasueod sa balde it orocan.
Suno kana nga mabahoe nga bulig ro nasambit nga kantidad nga plano nana nga ibakae it bugas ag maintenance nga bueong.
Sa pihak nga parte, malipayon man ro 2nd prize winner nga si Jeanna Pedroso, 52 anyos it Brgy. Dongon West, Numancia sa anang pagbaton it 4,000 pesos nga premyo bangud nga may pangbakae eon imaw it dugang nga kinahangeanon sa sueod it baeay bilang preparasyon sa mas ginhugtan nga quarantine classifications it Aklan.
Kadungan kara, gin engganyo nana ro iba pang tagpaeamati it bombo kalibo nga magpadaea man it mga entries agud nga makaangkon it chansang magdaog.
Samtang, plano man it 3rd prize winner nga si Lorilyn Teñoso it Purok 2, C. Laserna St., Kalibo nga ibakae it konsumo nga pagkaon sa anang mga unga ro nabaton nga 3,000 pesos.
Ginpasaeamatan man nana ro promo it Bombo Radyo Philippines bangud sa bulig kara sa tunga it malisod nga pagpangabuhi sa tunga it COVID 19 pandemic.
Sa pihak nga parte, na-claim man it mga online activation winners sa Enhanced Swerte sa Palengke 2021 promo ro andang nadag-an nga mga premyo.
Nabaton eon it major prize winner nga si Arlene M. Orbita it Brgy. Poblacion, Makato it PB’s store ro anang 3,000 pesos nga premyo ag 1,000 pesos nga balor it gift pack nga nakasueod sa balde it orocan.
Samtang, pareho man nga nagbaton it tig-1,500 pesos nga cash ag 1,000 pesos nga balor it gift pack ro consolation prize winners nga sanday, Myla Inao it Brgy. Estancia, Kalibo it Gian Miles Store; John Lee D. Consemino it Brgy. Andagao, Kalibo it Consemino’s Sari-Sari Store ag Mylene M. Nagales it Oyotorong Ext. Kalibo , Aklan.
