KALIBO, Aklan—Ginkalipay it mga nagdaeaog sa ika-lima nga domingo nga draw it “Enhanced Swerte sa Palengke 2021 promo balde-baldeng pa-premyo na, may cash pa” matapos nga ma-claim ro andang natungdan nga mga premyo nga ginaeakipan it cash prize ag gift pack.
Sa send-in entries, nabaton eon ni Giselle Mae Villorente it Rizal St., Barangay Poblacion, New Washington ro anang nadag-an nga 5,000 pesos nga cash nga imaw mismo ro naghuyap ag gift pack nga nagabalor it 500 pesos nga nakasueod sa balde it orocan.
Sa pihak nga parte, malipayon man ro 2nd prize winner nga si Matiflor Dela Cruz, 67 anyos it barangay Polo, Banga sa anang pagbaton it 4,000 pesos nga premyo bangud nga may pangbakae eon imaw it dugang nga kinahangeanon sa sueod it baeay.
Kadungan kara, gin engganyo nana ro iba pang tagpaeamati it Bombo Radyo Kalibo nga magpadaea man it mga entries agud nga makaangkon it chansang magdaog.
Samtang, ginpasaeamatan man it 3rd prize winner nga si Grace Rambunay, 51 anyos it C. Quimpo St., Kalibo ro nabaton nga 3,000 pesos nga premyo.
Mabahoe nga bulig suno kana ro promo it Bombo Radyo Philippines sa tunga it malisod nga pagpangabuhi tuga it COVID-19 pandemic.
Sa pihak nga parte, na-claim man it mga online activation winners sa Enhanced Swerte sa Palengke 2021 promo ro andang nadag-an nga mga premyo.
Nabaton eon it major prize winner nga si Reah Christine Nalaunan it Oyo Torong St., Brgy. Poblacion, Kalibo it Chin’s Sari-Sati Store ro anang 3,000 pesos nga premyo ag 1,000 pesos nga balor it gift pack nga nakasueod sa balde it orocan.
Samtang, pareho man nga nagbaton it tig-1,500 pesos nga cash ag 1,000 pesos nga balor it gift pack ro consolation prize winners nga sanday, Melisa Onao it Brgy. Bubog, Numancia it Mel’s Store; Mig Vielle Villareal it C. Quimpo St., Kalibo it Mig Store ag Archie Brigido it Brgy. New buswang, Kalibo it Archie Store.
