KALIBO, Aklan—Pareho nga mga malipayon nga ginbaton it mga nagdaeaog sa unang domingo nga draw it Enhanced Swerte sa Palengke 2021 promo balde-baldeng pa-premyo na, may cash pa ro andang natungdan nga mga premyo nga ginaeakipan it cash prize ag gift pack.
Sa send-in entries, nabaton eon ni anita mayor it brgy. linabuan norte, kalibo ro anang nadag-an nga 5,000 pesos nga cach nga imaw mismo ro naghuyap ag gift pack nga nagabalor it 500 pesos nga nakasueod sa balde it orocan.
Suno kana nga mabahoe nga bulig ro nasambit nga kantidad eabi pa ag malisod ro pagpangabuhi tuga it pandemya nga daea it coronavirus disease 2019 ukon covid 19.
Sa pihak nga parte, malipayon man ro 2nd prize winner nga si Freddie irodistan it brgy. new buswang kalibo sa anang pagbaton it 4,000 pesos nga premyo bangud nga may pangbayad eon imaw it anang electric ag water bills.
Kadungan kara, gin engganyo nnana ro iba pang tagpaeamati it bombo kalibo nga magpadaea man it mga entries agud nga makaangkon it chansang magdaog.
Samtang, plano man it 3rd prize winner nga si Francisco cabesilla jr it brgy bakhaw sur kalibo nga ibakae it gatas sa anang unga ag dugang nga capital sa baraka ro nabaton nga 3,000 pesos.
Ginpasaeamatan man nana ro promo it Bombo Radyo Philippines bangud sa bulig kara sa tunga it malisod nga pagpangabuhi.
Sa pihak nga parte, na-claim man it mga online activation winners sa Enhanced Swerte sa Palengke 2021 promo ro andang nadag-an nga mga premyo.
Nabaton eon it major prize winner nga si Tyron Geov Bernados it Brgy. Estancia, Kalibo it bern’s store ro anang 3,000 pesos nga premyo ag 1,000 pesos nga balor it gift pack nga nakasueod sa balde it orocan.
Samtang, pareho man nga nagbaton it tig-1,500 pesos nga cash ag 1,000 pesos nga balor it gift pack ro consolation prize winners nga sanday, Mabelyn Rabanes it Brgy. Taba-ao, Banga , Mary Ann Panagsagan it Brgy. Panayakan, Tangalan it mary ann’s sari-sari store ag angelica Dela Cruz it Purok 2 C. Laserna St. Kalibo it angel store.
