KALIBO, Aklan — Gina imbestigahan makaron it Department of Environment and Natural Resources (DENR) Region VI ro gina alegar nga paghimo it pabor it pilang tawuhan it ahensiya maghalin sa mga hotel agresort owners nga andang gina chekyar sa mga pag eabag sa environmental laws sa isla it Boracay.
Naga padayun makaron ro massive crackdown it kapin sa 120 personnel it DENR maghalin sa magkaeain-eain nga rehiyon bilang sabat sa mandu ni Pangueong Rodrigo Duterte nga malimpiyuhan ro isla.
Suno kay DENR-6 Regional Director Jim Sampulna nga nakabaton sanda it report nga nakakabaton ro pilang resort owners it tawag maghalin sa mga nagapakilaeang tawuhan it ahensiya nga naga solicit sigon it kwarta, pagkaon ag free accomodation.
Gin pamilit ni Sampulna nga polisiya it ahensiya nga gina bawae ro pagpangayu it pabor samtang nga sa isla bangud sa naga padayun nga operasyon.
Nasayuran nga sambilog sa mga naga panag iya it resort nga nakabaton it hay nahimong mai-record ro andang pag estorya kun siin gin taw-an kara it kopya ro DENR ag Boracay Tourist Assistance Center (BTAC).
