NATIONAL News — Ginmandu eon it Department of Transportation (DOTr) ro preventive suspension sa mga empleyado it Land Transportation Office (LTO) nga eakot sa viral incident sa Panglao, Bohol.
Ro nasambit nga direktiba hay ginhimo ni DOTr Secretary Vince Dizon.
Natabu ro insidente ko Biyernes, kun sa siin sa viral video hay makita ro sangka eaeaki nga sakay it motorsiklo nga gina-aresto it mga tawuhan it LTO.
Pwersahang ginpapanaog sa motorsiklo ro eaeaki it mga tawuhan it LTO, kadungan ro anang pagsinggitan kara nga imaw hay sangka mangunguma rason nga may daea imaw nga bolo.
Sa pihak kara, gin-aresto gihapon ro eaeaki ag ginkulong sa custodial facility it Panglao Police Station.
Ko Biyernes, nagpaguwa it pahayag ro LTO Region 7 para magpangayo it pasaylo sa insidente ag ginpahayag nga raya hay para sa kaeowasan ag kaayusan.
