KALIBO, Aklan— Nagpatuman it signal jamming sa mga mobile phone ro mga telecommunication companies sa palibot it festival zone ko bisperas ag kaadlawan it selebrasyon it Kalibo Sto. Niño Ati-atihan Festival 2019.
Raya ro ginpahayag ni PSupt. Richard Mepania, hepe it Kalibo PNP ag ground commander it event sa interview it Bombo Radyo.
Partikular nga nagpatuman it signal jamming ro Globe, Smart, TNT ag Sun Mobile Phone Services, kasunod sa naging direktiba it National Telecommunications Commission ukon NTC, ag Philippine National Police (PNP) nga temporaryog i-shutdown ro mobile services.
Ginbalik it telecom ro andang serbisyo kat may go-signal eon ro mga otoridad.
Nauna eon kara nga naangkon it pulisya ro “zero crime incident” sa week-long celebration it festival kon siin masobra sa 1,500 nga mga kapulisan ro ginpakalhit sa banwa it Kalibo nga kaeabanan kara hay naghalin pa sa regional office it Philippine National Police (PNP).
Nasayuran nga 18 police assistance desk ro andang ginpatindog nga nagbantay sa seguridad kon siin nag-agi anay sa pedestrian screening area ro mga festival goers.
