KALIBO, Aklan—Sa sueod it 14-anyos nga pag-istar sa Tel Aviv, Israel, makaron nga tyempo it gyera ro ginakabig ni Bombo International Correspondent Melly Jean Novilla nga traumatic bangud nga maabong terorista eon ro nakasueod sa border.
Sa pihak kara, nagapabilin gihapon sanda nga positibo bangud nag nagasalig sanda sa Israeli forces nga mapangapinan gihapon sanda kontra sa mga kaaway.
Ro makaeoeooy suno kana hay ro idto sa southern area it nasyon bangud nga sanda mismo ro eubus nga apektado.
Bation suno kana ro mga eopok ag kitaon ro makangingiedlis nga mga nagalinupad nga rocket nga pumatay it ginatos katawo ag linibu nga ninahan.
Sa makaron suno kana hay sigidas gihapon ro pakikipagsukoe it mga Israelites ag ginapangamuyo eon lang sigon nanda nga matapos eon ro nasambit nga kinagamo.
Ginaeauman nga makipagbuligan man ro mga kaalyadong nasyon partikular ro Estados Unidos para sanda hay maayudahan it mga kinahang-eanon nga bulig.
