Posibleng i-presenta it House prosecution panel bilang mga testigo sa impeachment trial ni Vice President Sara Duterte ro mga opisyal halin sa Anti-Money Laundering Council, Office of the Ombudsman, Securities and Exchange Commission, ag National Bureau of Investigation.
Suno kay House Prosecutor ag Bicol Saro Party-list Representative Terry Ridon, importante ro testimonya it mga opisyal angot it alegasyon it unexplained wealth ag posibleng pageabag sa SALN ni Vice President Sara Duterte.
Ginatun-an man it prosecution panel kun iga-eakip ro mga opisyal it Bureau of Internal Revenue bilang mga testigo angot it tax records it bise presidente ag it anang asawa.
Mageuwas sa volunteer lawyers, maga-buoe man sigon ro panel it financial experts, accountants, ag auditors para mausisa ro AMLC records ag SALNs bilang parte it pagpahaom it ebidensya para sa pagbista.
