KALIBO, Aklan—Makabig nga sold out eon ro mga tickets para sa nagahilapit nga 70th edition it Miss Universe 2021 sa Eliat sa Israel.
Suno kay Bombo International Correspondent Melly Jean Novilla, tubong Libacao ag presenteng naga-istar sa Tel Aviv, Israel nga haeos tanan nga mga kandidata, judges ag iba pang kaibahan sa pageant hay nag abot eon sa nasambit nga nasyon ag presenteng ginalibot ro mga tourist spot idtu kapareho it dead sea ag iba pa.
Gindugang pa ni Novilla nga maabu nga mga pinoy ro nakabakae eon it tickets kaibahan imaw maskin nga medyu mahae ro pagbaligya kara.
Bilang pageant fan hay indi sigon nana pagpaeampason ro kahigayunan nga makatan-aw it live rason nga nag-abang imaw it online ticket.
Ro pinakabaratong ticket hay nagabalor it 10,800 pesos ag ro pinakamahae hay 2,500 shekels ukon masobra sa 35,000 pesos.
Makabig sigon nga regalo nana sa anang kaugalingon makaron nga paskwa ro pagtan-aw it miss universe kamana man nga makita ro anang gina idolo nga si marian rivera nga sambilog sa mga judges.
Mag eowas kara, gusto nanda nga mga pinoy nga ipakita ro suporta sa pambato it nasyonm nga si Beatrice Gomez.
Sa pihak nga parte, hugut nga igapatuman ro health and safety protocol sa event kun sa siin pila sa mga requirements hay ro green pass nga nagapamatuod nga fully vaccinated ka ag ro face mask.
Ro coronation night hay pagahiwaton sa lunes it alas-7 it agahon, Disyembre 13, oras sa Pilipinas.
